மொதல் கால பெடல்ல வெச்சு
பின்னங்கால மேல போட்டு
அம்சமாதான் ஒக்காந்தாரு
எங்க ஊரு மன்னாரு
முட்டி மோதி மேடு ஏற
மூச்சு வாங்கி மிதிச்சாரு
விட்ட மூச்ச சேத்து வெச்சி
ஏறக்கதுல வுட்டாரு
எட்டனாவ வெச்சிகிட்டு
எட்டு ஊர சுத்துவாரு
எட்டு வருசம் சொந்தம் - ரூவா
எண்பதுன்னு சொன்னாரு
பம்பரமா சுத்தும் - காலு
பத்து நிமிசம் நிக்காது
முட்டி தேய மிதிச்சிகிட்டா - ஒடம்பு
சொன்ன பேச்ச தட்டாது
ரெட்ட வீலு ரெனால்ட்னு
வாய்க்கு வாய் சொல்வாரு
லட்சம் கொட்டி கொடுத்தாலும் - இந்த
வண்டிக்கீடு கிட்டாது
0 - கருத்துரை:
Post a Comment